Funky bones ir chupferschmitte geisch go luege klar, machsch ja schliesslech aube o d’biuder für d’website… speter hani irgendwo gläse, dass es es doppukonzärt isch.
boris pilleri’s jammin isch der „headliner“ für dä abe gsi. nid schlächt hani dänkt, isch sicher scho 20 jahr här sider ig die zletscht mau gse ha. danu hänngi het denn z’mau gloub no dr bass gä. die giele si scho den guet gsi aber was das mau ir schmitte abgange isch, faut mer schwär i wort z’fasse. eifach schad, dass nid meh lüt der wäg id schmitte gfunge hei.
energie pur isch mer vor bühni entgäge cho, die giele hei e wahnsinnsdruck erzügt. extrem exact gspiut, beat für beat am rächte ort gsetzt, het das septett a sound produziert, wo sech vor keim usländische spitzeact verstecke mues. fetti bläsersätz, souveräni keyboards, bass schlagzüg us eim guss. der usdruck i de ouge vom drummer het mi mängisch ad’z tier vor muppet show erinneret, sackstarch, mau locker liecht verspiut, mau chräftig druckvou aber immer extrem suber u ufe punkt gspiut.
übere böru musch nid viu säge, da isch aus irgendwie scho mau gseit worde.
z’gsicht vor band, souverän wi eh und je, rundet er das konzärt ab, z’tüpfli ufem i, eifach e wahnsinnsgitarischt, wäutklass.
(klick d’gittare für d’biuder)
Neueste Kommentare