Seite wählen
a night to remember - rock out

jung, früsch, gfüuvou, stark, eifach nume superlative wo mer z'sinn chöme weni a dä uftritt zrugg dänke
die erschti band a däm traditionelle, einisch meh super organisierte jahres-rock-opener (merci jüre u crew),
isch für mi ou di beschti gsi

mit viu eigetem materiau, dürmischt mit es paar coverperle hei die giele e supershow dürezoge

blasphemie hei vilech es paar dänkt, (ig zersch ou) wo der ma mit der starche stimme übere hene gläschteret het...
chli näb der spur siger gsi, für nes eidgenössischs fähigkeitszügnis es ihm (Jimi Hendrix) äuä nid glängt hät...

fräch bini zu schluss cho, nid blasphemie isches gsi, u ou wi si sech däm cover agno hei, eifach guet,
e sprung uf's schlagzügpodest, d'gitarre i äcke u am gitarregott Hendrix aui ehr erwise,
hut ab oder chapeau "wi der franzose zu sagen pflegt" ;-)  ächt schtarch gmacht

ufe punkt bracht aber het's der kafimaschineflüschterer vo zoubrügg, di eigete songs si de cover nid hinger agstange,
das materiua wo si gschribe u textschtet hei, isch gspürig, griffig, guet, eifach gseit igängige sound

ke ahnig wär i dere band texschtet aber wo der küre uf d'bühni isch cho, usi der song vo der "nahtod-erfahrig" vo ihrem
dead riders kolleg u vaterfigur zelebriert hei, isch definitv klar gsi, dass lützuflüeh näbem jeremias gotthelf
meh z'biete het, wome aus aute lützuflühier mit heimatort lützuflüeh dran cha fröid ha!

rock out - rock on